Түркістан әуежайында ұшу жолағында ұшақ істен шықты
11 қыркүйекте Түркістан әуежайында әуе кемелерінің бірінде тікелей ұшу жолағында техникалық ақау пайда болды, деп хабарлайды Kursiv.Media.
«11 қыркүйекте Түркістан әуежайында ұшу жолағында әуе кемелерінің бірінде техникалық ақау туындады. Қазіргі уақытта оны жою бойынша қажетті жұмыстар жүргізіліп жатыр. Зардап шеккендер жоқ», – деп хабарлады Көліктегі полиция департаментінен.
Қандай ақаулар пайда болғаны және ұшақ қай әуе компаниясына тиесілі екені нақтыланбады.
11 қыркүйекте әуежайдың онлайн-таблосында да бірнеше рейс бойынша өзгерістер тіркелді, атап айтқанда, жекелеген ұшып келу және ұшып шығу уақыттары түзетілді.
Мамандар ақауды жоюды жалғастырып жатыр, зардап шеккендер туралы хабарланған жоқ.
Бұған дейін Алматы халықаралық әуежайында жоспарлы техникалық жұмыстар кезінде FlyArystan әуе компаниясының ұшағы өртенген.
Air Astana тобының бір қызметкері жарақат алып, медициналық көмек көрсетілгеннен кейін ауруханадан үйіне жіберілді. Ұшақ уақытша пайдаланудан шығарылды, Air Astana мен Алматы әуежайы қызметтік тергеу жұмыстарын бастады.
- Соңғы
-
-
- Қыркүйек, 11
-
-
-
-
-
-
-
-
-
-
-
-
-
-
-
-
Күнделікті жаңалықтар
12 қыркүйек 2026
