АҚШ мемлекеттік хатшысы Энтони Блинкен Қазақстанға келеді
28 ақпанда АҚШ мемлекеттік хатшысы Энтони Блинкен Қазақстанға келеді. "Бұл – оның Қазақстанға алғашқы сапары" деп хабарлады 24 ақпанда Қазақстан сыртқы істер министрлігі.Ведомствоның хабарлауынша, Астанада АҚШ мемлекеттік хатшысын президент Қасым-Жомарт Тоқаев қабылдайды. Мемлекеттік хатшы Қазақстан сыртқы істер министрі Мұхтар Тілеубердімен екіжақты келіссөз жүргізеді. Сол күні Астанада Блинкен мен Орталық Азия елдерінің сыртқы саясат мекемелері басшылары қатысатын С5+1 форматындағы кездесу өтеді. Онда өңірлік ынтымақтастық және АҚШ-пен серіктестікті дамыту мәселелері талқыланады.АҚШ мемлекеттік департаментінің хабарлауынша, Блинкен 28 ақпан және 3 наурыз аралығында Қазақстанмен қатар Өзбекстан мен Үндістанға да сапарлайды. Ол Астанада қазақстандық ресми тұлғалармен кездесіп, екіжақты әріптестікті нығайту мәселелерін талқылайды.C5+1 форматындағы кездесуге қатысып, АҚШ-тың Орталық Азия елдерінің тәуелсіздігі, егемендігі мен аумақтық тұтастығын қолдаудан айнымайтынын жеткізбек.С5+1 – Орталық Азиядағы бес ел (Қазақстан, Қырғызстан, Тәжікстан, Өзбекстан, Түркіменстан) және АҚШ арасындағы қарым-қатынастың форматы. Бұл формат аясында алты ел экономика, экология және қауіпсіздік жөніндегі мәселелерді талқылайды.
- Соңғы
- Тамыз, 24
-
-
-
-
-
-
-
-
-
-
-
-
-
-
-
-
-
-
Басқа жаңалықтар
Күнделікті жаңалықтар
Бүгін,
25 тамыз 2026
25 тамыз 2026
Тақырып бойынша жаңалықтар
Басқа жаңалықтар