Төртінші МӨЗ жобасы: «Самұрық-Қазына» француз компаниясымен келісімге қол қойды
«Самұрық-Қазына» әл-ауқат қоры Брюссельде франциялық Technip Energies компаниясының еншілес компаниясы – Genesis мекемесімен келісімге қол қойды. Бұл құжат аясында мамандар Қазақстандағы төртінші мұнай өңдеу зауытының құрылысына арналған техникалық-экономикалық негіздемені (ТЭН) әзірлейді. Жобаны дайындау жұмыстарына қазақстандық серіктеспен бірлескен «TKJV» кәсіпорны да қатысады.
Жоспар бойынша жаңа зауыттың қуаттылығы өте жоғары болмақ. Кәсіпорын жылына 10 млн тоннаға дейін мұнай өңдеуі тиіс.
Салыстырмалы түрде алсақ, қазіргі жұмыс істеп тұрған Павлодар және Шымкент зауыттарының әрқайсысы жылына шамамен 6 млн тонна мұнай өңдейді.
Жаңа зауытты шикізатпен қамтамасыз ету үшін Қашаған мен Теңіз кен орындарының мұнайы, сондай-ақ мұнай құбырлары арқылы жеткізілетін мұнай қоспалары пайдаланылады.
Жобаның зерттеу және іздестіру жұмыстары 2026 жылдың соңына дейін жалғасады. «Самұрық-Қазына» қорының басшысы Нұрлан Жақыповтың айтуынша, зауыт құрылысына қатысты түпкілікті инвестициялық шешім осы ТЭО жұмыстары толық аяқталып, барлық тәуекелдер бағаланғаннан кейін ғана қабылданады.
Technip Energies компаниясының Қазақстанның мұнай-газ саласында үлкен тәжірибесі бар. Ол бұған дейін Павлодар және Шымкент зауыттарын жаңғыртуға қатысқан.
Сондай-ақ Қарашығанақ кен орнын игеру жобаларына атсалысып, QazaqGaz басқаруындағы Қашаған газ өңдеу зауытының жобасына үлес қосқан.
Әзірге Қазақстандағы төртінші ірі мұнай өңдеу зауыты нақты қай жерде салынатыны белгісіз. Қазақстандағы ең ірі мұнай өңдеу зауыты Шымкент қаласында орналасқан.
- Соңғы
-
-
-
-
-
-
-
- Маусым, 23
-
-
-
-
-
- Маусым, 22
-
-
-
-
-
-
Күнделікті жаңалықтар
24 маусым 2026
