«Қазақстан темір жолы» ұлттық компаниясына жаңа басшы тағайындалды
«Қазақстан темір жолы» ұлттық компаниясына жаңа басшы келді. «Самұрық-Қазына» АҚ Басқармасының шешімімен Елжас Отыншиев компанияның Басқарма төрағасы қызметіне тағайындалды.
Елжас Мұратұлы Отыншиев Мәскеу физика-техникалық институтының «Жалпы және қолданбалы физика» мамандығы бойынша бакалавриат және магистратура бағдарламаларын тәмамдаған.
Ол еңбек жолын 2007 жылы Мәскеудегі Ernst & Young компаниясында бизнесті бағалау және мәмілелерді сүйемелдеу департаментінің консультанты ретінде бастаған.
2009–2019 жылдары «Самұрық-Қазына» қоры мен оның еншілес ұйымдарында түрлі қызметтер атқарды.
2021–2023 жылдары KIDF ұйымында басшылық қызметтер атқарып, инвестициялық портфельді басқару бағытына жетекшілік етті.
2023 жылдың сәуір айынан бастап Елжас Отыншиев «Самұрық-Қазына» АҚ Стратегия және активтерді басқару жөніндегі басқарушы директоры – Басқарма мүшесі қызметін атқарды.
Бұл лауазымда ол қордың мұнай-газ, теміржол, тау-кен және басқа да салалардағы портфельдік компанияларын басқаруға жауапты болды.
Сондай-ақ 2024 жылдың ақпан айынан бастап «Қазақстан темір жолы» ҰК» АҚ Директорлар кеңесінің мүшесі болды.
2023 жылы Елжас Отыншиев ҚР мемлекеттік наградасы – «Ерен еңбегі үшін» медалімен марапатталған.
8 шілдеде ҚТЖ басшылығынан Талғат Алдыбергеновтің кеткені мәлім болған. Ұлттық компаниядағы ауыс-түйіс туралы ресми мәліметті «Самұрық-Қазына» қоры таратқан.
Осыдан соң ҚТЖ Басқарма төрағасы міндетін Бауыржан Орынбасаров атқарады.
- Соңғы
-
-
-
-
-
-
-
-
-
-
-
-
-
-
- Шілде, 20
-
-
-
-
Күнделікті жаңалықтар
21 шілде 2026
