Қазақстандықтар Қытайда өз жүргізуші куәліктерін пайдалана алады
Қазақстан мен Қытай ек ел арасында жүргізуші куәліктерін пайдалануды жеңілдетпек. Қазақстан ІІМ жүргізуші куәліктерін өзара мойындап және алмастыру туралы келісімге қол қою туралы қаулы жобасын әзірледі.
Құжатқа сәйкес, Қазақстан мен Қытай азаматтары белгіленген талаптарды сақтай отырып, екінші елдің аумағында көлік құралдарын басқару үшін өздерінің қолданыстағы ұлттық жүргізуші куәліктерін пайдалана алады.
Сондай-ақ жүргізуші куәліктерін өзара алмастыру мәселесі де қарастырылған. Бұл ретте құжатта B1 санатындағы жүргізуші куәліктері туралы айтылып жатқанын нақтылай кеткен жөн.
«Қазақстан мен Қытай азаматтары белгіленген шарттарды сақтай отырып, екінші елдің аумағында жеңіл көлік құралын басқару үшін жарамды ұлттық жүргізуші куәліктерін пайдалана алады», – делінген нормативтік-құқықтық актіде.
Келісім күшіне енгеннен кейін екі елдің азаматтары жүргізуші куәліктерін қайта оқытудан және біліктілік емтихандарын тапсырудан өтпестен ауыстыра алады. Бұл ретте рәсім сол лдің заңнамасының талаптары ескеріле отырып жүргізіледі.
Құжатта бұл келісім Қазақстан мен Қытайдың құзыретті органдары арасында жүргізуші куәліктерін тану және алмастыру мәселелері бойынша өзара іс-қимыл тетігін қалыптастыруға тиіс екендігі атап өтілген.
Әзірге тек үкімет қаулысының жобасы туралы айтылып отыр. Келісімді іске асыру үшін оған қол қойылуы тиіс, содан кейін тараптар қажетті ішкі мемлекеттік рәсімдерді аяқтауы қажет.
Жүргізуші куәліктерін өзара тану және алмастыру тетігі келісім күшіне енгеннен кейін жұмыс істей бастайды.
ІІМ бұл келісім екі ел азаматтары үшін әкімшілік рәсімдерді қысқартып, Қазақстанда немесе Қытайда уақытша немесе тұрақты жүргендер үшін жағдайды жеңілдетеді деп есептейді.
- Соңғы
- Тамыз, 26
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
27 тамыз 2026
