"Жаға ұстайтындай қателерді көрдік": министр оқулықтарды жаңалау барысы туралы айтты
Оқу-ағарту министрі Жұлдыз Сүлейменова мектеп оқулықтарынан 700-ге тарта қате табылғанын мәлімдеді.
Ол барлық оқулықтардың мазмұны қаралғанын, барысында облыстардың дұрыс белгіленбеуі, кей тарихи даталардың нақтыланбауы сияқты өрескел қателер анықталғанын атап өтті.
«Біз кезең-кезеңімен жаңа мазмұндағы оқулық басуды бастап кеттік. Қазір 7, 11-сыныптардың оқулықтары басылып болды. Енді 9, 8, 4-сыныптардың оқулықтары сәуір айына дейін басылып шығатын болады», – деді Сүлейменова тамыз конференциясынан кейін тілшілерген берген жауабында.
Министр оқулық басатын 15 баспаның барлығынан оқулығын жеке қарағанын, ішінен жаға ұстайтындай қателерді көргенін атап өтті. Енді осының бәрі кезең-кезеңімен жаңармақ.
Тамыз конференциясына президент те қатысып, мектеп бағдарламасына конституция, заң мен тәртіп негіздері курстары не үшін енгізіліп жатқанын түсіндірген.
- Соңғы
- Тамыз, 26
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
27 тамыз 2026
