Тараз соты борышкерлермен WhatsApp арқылы сөйлескен коллекторларды жазалады
Жамбыл облысында коллекторлық агенттікке берешекті өндіріп алу ережелерін бұзғаны үшін 908 мың теңге айыппұл салынды, деп хабарлайды Кursiv.Media.
Компания қызметкерлері борышкермен және үшінші тараппен WhatsApp арқылы агенттікке тіркелмеген нөмірлерден хабарласқан.
Бір фирмаға қатысты екі бірдей істі Тараз қаласының Әкімшілік құқық бұзушылықтар жөніндегі мамандандырылған соты қарады.
Сотық іске борышкерлердің Қаржы нарығын реттеу және дамыту агенттігіне берген шағымы түрткі болды. Тексеру барысында коллекторлардың WhatsApp арқылы тілдесу үшін агенттікке тіркелмеген абоненттік нөмірлерді пайдаланғаны белгілі болды.
«Коллекторлық қызмет туралы» Заң борышкерлермен, олардың өкілдерімен және үшінші тұлғалармен өзара іс-қимыл жасаудың нақты тәсілдерін белгілейді.
Сотта компанияның кінәсі хаттамалармен, қатысушылардың айғақтарымен және басқа да материалдармен расталды. ЖШС өкілі бұзушылықты мойындап, айыппұл мөлшерін азайтуды сұрады.
«Сот кінәны мойындау, өкіну және компанияның бұған дейін мұндай бұзушылықтар үшін жауапкершілікке тартылмағанын ескерді. Нәтижесінде айыппұлдар 30%-ға төмендетілді. Бір іс бойынша ЖШС-ге 605 мың теңге, екіншісі бойынша 302 мың теңге төлеу міндеттелді. Жалпы айыппұл сомасы 908 мың теңгені құрады», – деп хабарлады соттың баспасөз қызметінен.
Қаулылар әлі заңды күшіне енген жоқ.
Оқи отырыңыз: Коллекторлар мен микроқаржы ұйымдарына қойылатын талап күшейді
- Соңғы
- Тамыз, 26
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
27 тамыз 2026
