Solidcore алтын компаниясы Астанада 9 қабатты бизнес орталық салмақ
Алтын өндіруші Solidcore Resources компаниясы Астанадағы жаңа бас кеңсесі болатын «Muscat Tower» бизнес-орталығының құрылысын бастайтынын хабарлады. Бұл ауқымды жоба туралы Оман Сұлтаны Хайсам бен Тариқ Әл Саидтің Қазақстанға жасаған мемлекеттік сапары қарсаңында белгілі болды, деп жазады экономист Арман Батаев.
Инвестициялық жоба қаржысының 85%-ын Оманның мемлекеттік қоры қамтамасыз етеді. Қалған 15%-ын Solidcore компаниясы өз мойнына алады. Айта кету керек, Оманның мемлекеттік инвесторы – «Maaden International Investment» қоры арқылы компания акцияларының 31,7%-ына иелік етеді.
Жалпы ауданы 18 000 шаршы метрден асатын тоғыз қабатты ғимарат елорданың жаңадан дамып келе жатқан ауданында бой көтереді. Орталықта кеңсе бөлмелерінен бөлек, қызметкерлерге арналған асхана мен жаттығу залы қарастырылған. Құрылыс жұмыстарын 2029 жылы аяқтау жоспарланып отыр.
Жобаның артында Solidcore компаниясының Қазақстанды өз қызметінің басты хабы ретінде таңдаған ұзақмерзімді стратегиясы тұр. Компания мұнда техникалық сараптаманы шоғырландырып, оны бизнес саланы одан әрі кеңейту үшін Оманның инвестициялық мүмкіндіктерімен біріктіруді көздейді.
Еске салсақ, 2026 жылдың сәуір айында Solidcore Eurasia серіктестігі Астана қаржы орталығында «Muscat Tower Business Centre Ltd» деген жаңа компаниясын тіркеген болатын. Бұл кәсіпорын жаңа бас кеңсенің құрылысымен айналысуы ықтимал.
Бұған дейін Solidcore 1,2 млрд доллар болатын акцияларын кері сатып алатынын хабарлаған.
- Соңғы
- Қазан, 06
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
7 қазан 2026
