Жамбылда жасөспірімдер арасындағы төбелес кезінде оқушы қаза тапты
Жамбыл облысы Байзақ ауданында кәмелетке толмағандар арасындағы жанжалдан кейін 2011 жылы туған жасөспірім қаза тапты. Оқиғаға қатысы бар күдікті ұсталды, деп хабарлайды Kursiv.Media.
Алдын ала мәлімет бойынша, оқиға 3 қазан күні сағат 22:00 шамасында Байзақ ауылында болған. Кәмелетке толмағандар арасында жанжал шығып, төбелес кезінде 2011 жылы туған жасөспірім дене жарақатын алған. Кейін ол алған жарақатынан қайтыс болған.
Осы фактімен Қылмыстық кодекстің 106-бабының 3-бөлігімен, яғни жәбірленушінің өліміне әкеп соққан денсаулыққа қасақана ауыр зиян келтіру бойынша қылмыстық іс қозғалды.
«Аталған факті бойынша қылмыстық іс қозғалды. Күдікті ұсталып, уақытша ұстау изоляторына қамалды. Тергеу жалғасып жатыр және полиция департаменті басшылығының бақылауында», – деп хабарлады полиция.
Тергеу барысында оқиғаның барлық мән-жайы анықталып жатыр.
Айта кетейік, осыған дейін Алматыда қызғаныштан басталған жанжал жаппай төбелеске ұласқанын жазған едік.
- Соңғы
Күнделікті жаңалықтар
5 қазан 2026
