Өскеменде заңсыз алтын өндірген шенеуніктер сотталды
Өскеменде Ұлан ауданындағы Шыбынды учаскесінде заңсыз алтын өндіру ісі бойынша үкім шықты. Өндірілген бағалы металдың көлемі 15 келіден асып, құны 844 миллион теңгеге бағаланды, деп хабарлайды kursiv.media.
Іс материалдарына сәйкес, заңсыз өндірісті «Азаматтарға арналған үкімет» КЕАҚ филиалы директорының бұрынғы орынбасары А.А. Рахымжанов пен Д.М. Нұртазин ұйымдастырған.
Алтын өндіруге олардың бақылауындағы «EastGoldStone» ЖШС пайдаланылған. Алайда бұл компанияның қатты пайдалы қазбаларды өндіруге емес, тек барлауға ғана лицензиясы болған.
Алтын өндіру жұмыстары ауыр техниканың — экскаваторлар, тиегіштер, самосвалдар, сондай-ақ жуу жабдығының көмегімен жүргізілген.
«Заңсыз өндірілген алтын көлемі 15 келіден асқан, оның құны 844 млн теңгеден жоғары. Тергеу барысында құны 382 млн теңге болатын 6,7 кг алтын мен 579 г күміс тәркіленді. Қылмыстық әрекет қоршаған ортаға елеулі зиян келтірген. Бүлінген жер аумағы 18,2 гектарды құрады«, – ҚМА хабарламасында.
Сонымен қатар заңсыз әрекет барысында мемлекеттік орман қорына жататын ағаштар мен бұталар жойылып, зақымдалған.Экологиялық залалды жоюға қажетті жұмыстардың құны 300 млн теңгеден асты.Сот шешімімен құны 372 млн теңге болатын мүлік тәркіленді. Оның ішінде 4 жүк көлігі, 2 экскаватор, 2 тиегіш, гидрожуу құрылғысы, сондай-ақ 10 млн теңге және 56 мың АҚШ доллары көлеміндегі қолма-қол ақша бар.Үкім заңды күшіне енген жоқ.
- Соңғы
Күнделікті жаңалықтар
6 қазан 2026
