Қазақстан азаматтарын соғыс аймағынан қайтару үшін Ресеймен келіссөз жүргізуде
Қазақстанның Сыртқы істер министрлігі соғыс қимылдары жүріп жатқан аумақта жүрген азаматтарды елге қайтару мәселесі бойынша Ресей тарапымен келіссөз жүргізіп жатыр, деп хабарлайды Kursiv.Media.
Ведомство мәліметінше, министрліктің жедел желісіне азаматтардың соғыс аймағында жүргені туралы өтініштер әлі де түсіп жатыр. Әрбір ақпарат тексеріліп, оның нәтижесінде жасалған тізім Ресей тарапына жіберіледі.
Сондай-ақ, әлеуметтік желіде видеоүндеу жариялаған Қазақстан азаматтарына қатысты қажетті шаралар қабылданып жатыр.
«Оларды Отанына қайтару бойынша келіссөздер жүргізіліп жатыр», – деп хабарлады СІМ.
Министрлік бұл мәселе бойынша Ресей тарапымен әртүрлі деңгейде тұрақты байланыс орнатып отыр.
Бұған дейін СІМ соғыс қимылдары жүріп жатқан аумақта болуы мүмкін азаматтардың туыстарын Қазақстан азаматтары туралы мәлімет беруге шақырған. Ол үшін ведомствода арнайы жедел желі жұмыс істейді.
- Соңғы
Күнделікті жаңалықтар
6 қазан 2026
