Тоқаев Путинді Мемлекеттік Дума сайлауын өткізуімен құттықтады
Тоқаев Ресей президенті Путинге жеделхат жолдап, тоғызыншы шақырылымдағы Мемлекеттік Дума сайлауының табысты өтуімен құттықтады. Бұл туралы Ақорда хабарлады деп жазады Kursiv Media.
«Сайланған Мемлекеттік Дума депутаттары азаматтардың әл-ауқатын көтеру және Ресейдің әлемдік держава ретіндегі әлеуетін нығайту мақсатында тиімді шаралар мен шешімдер қабылдайтынына күмән жоқ», – деп жазылған құттықтауда.
Тоқаев Ресейдегі аталған сайлауды елдің қоғамдық-саяси өміріндегі маңызды оқиға ретінде бағалады. Оның айтуынша, дауыс беру қорытындысы Ресей халқының елдің ұзақмерзімді мүддесін қорғауға бағытталған Владимир Путиннің стратегиялық саясатын қолдайтынын көрсетті.
Қасым-Жомарт Тоқаев Құрылтай депутаттары мен Ресей парламенті өкілдері екі ел арасындағы көпжақты ынтымақтастық пен стратегиялық серіктестікті одан әрі дамыту бағытында бірлескен жұмысты жалғастыратынына сенім білдірді. Сондай-ақ Президент Владимир Путинге Ресей Федерациясының дамуы мен өркендеуі жолындағы мемлекеттік қызметіне табыс тіледі.
Оқи отырыңыз: Тоқаев пен Путин Бішкекте оңаша кездесу өткізді
- Соңғы
Күнделікті жаңалықтар
21 қыркүйек 2026
