Алматыда сағатына 90 шақырым жылдамдықпен жүрген самокатшы қаза тапты
Алматыда жоғары жылдамдықта келе жатқан электр самокат жүргізушісі құлап, қаза болды деп хабарлайды Kursiv.media.
Алматы полициясының ақпаратынша, қайғылы оқиға Шығыс айналма автожолында болған.
Қалалық полиция 2026 жылғы 18 қыркүйекте осы сапардың соңғы секундтарын тіркеген бейнебақылау камералары мен өткен көліктердің видеорегистраторларынан кадрлар көрсетті.
«Түнгі жол. Электр самокат жүру бөлігінің сол жақ шетімен жоғары жылдамдықта келеді. Алдын ала мәліметтер бойынша, жылдамдық сағатына 90 шақырымға жуық болған. Шығыс айналма автожолында ер адам алдындағы көлікті басып озып, сол сәтте басқаруды жоғалтады», – делінген видеоның сипаттамасында.
Содан кейін ер адам құлап, соққыдан оның қорғаныш дулығасы ұшып кеткен.
Оқиға орнына полиция қызметкерлері мен жедел жәрдем бригадасы келді. Бірақ ер адамды құтқару мүмкін болмады. Ол алған жарақаттарынан оқиға орнында көз жұмды. Қайтыс болған адам 54 жаста болған.
Айта кететін жайт, Алматы қалалық Полиция департаменті арнайы «самокат патрульдері» мен жаяу және мото-патрульдер жұмыстарын қарқынды түрде жалғастырып жатқанын хабарлады.
- Соңғы
Күнделікті жаңалықтар
18 қыркүйек 2026
