Елена Рыбакина Қазақстан құрамасы сапында өнер көрсетпейді
Әлемнің бірінші ракеткасы Елена Рыбакина жарақатына байланысты ұлттық құрама сапында өтетін алдағы жарысқа қатыса алмайды. Бұл туралы Қазақстан теннис федерациясы хабарлады.
Федерацияның мәліметінше, теннисші елге келеді, бірақ денсаулығына байланысты кортқа шықпайды. Бапкерлер штабының хабарлауынша, Рыбакинаның емі мен толық сауығу процесіне кем дегенде екі апта уақыт қажет. Осыған байланысты ол Қытайда өтетін Билли Джин Кинг кубогының финалдық кезеңінен тыс қалатын болды.
«Бапкерлер штабының ақпараты бойынша, Рыбакинаны емдеу және қалпына келтіру үшін кем дегенде екі апта қажет. Осыған байланысты спортшы Қытайда өтетін Билли Джин Кинг кубогының финалдық бөлігіне қатыса алмайды. Таяу арада ол үшін басты басымдық – денсаулығын қалпына келтіру және толыққанды жаттығуларға оралу болып табылады», – делінген федерацияның ресми мәлімдемесінде.
Осылайша, ұлттық құрама маңызды турнирде өз көшбасшысынсыз өнер көрсететін болды.
Оқи отырыңыз: Рыбакина Астана мен Алматыда балаларға мастер-класс өткізеді.
- Соңғы
Күнделікті жаңалықтар
18 қыркүйек 2026
