Алматы тауларында туристердің алдынан қар барысы шықты (видео)
Алматы тауларында серуендеп жүрген туристер қар барысын кездестірді. Сирек кездесетін жыртқыш адамдар жүрген соқпаққа шығып, саяхатшылар оны видеоға түсіріп алған, деп хабарлайды Kursiv.Media.
Куәгерлердің айтуынша, тауға көтеріліп бара жатқанда олардың соңынан ит ерген. Жануар бұған дейін тиіндерді көрген кезде үргендіктен, туристер бастапқыда оның әрекетіне аса мән бермеген.
Біраз уақыттан кейін соқпаққа кенеттен қар барысы шыққан. Туристер жыртқышқа жақындамай, иттің онымен байланысқа түсуіне жол бермеуге тырысқан. Алайда ит адамдарды тыңдамай, қар барысына қарай үрген.
Кейін соқпақтың екінші жағынан тағы бірнеше адам келген. Қар барысы адамдарға шабуыл жасамай, тау беткейімен жоғары қарай кетіп қалған. Ит жыртқыштың соңынан біраз уақыт еріп, кейін туристер оны алып кеткен.
A post shared by Курсив (@kursiv.media.kz)
Қар барысы – Қазақстанда сирек кездесетін және қорғауға алынған жануарлардың бірі. Сондықтан табиғатта оны кездестірген жағдайда жақындамай, мазаламау және қауіпсіз арақашықтықты сақтау маңызды.
Бұған дейін, туристер бір емес, үш қар барысымен бетпе-бет кездесіп қалған еді.
- Соңғы
Күнделікті жаңалықтар
21 қыркүйек 2026
