Арсен Томский Esentai Mall-дағы киім бағасын сынға алды
inDrive компаниясының негізін қалаушы Арсен Томский Алматыдағы Esentai Mall сауда орталығындағы киім бағасына қатысты пікір білдірді, деп хабарлайды Kursiv.Media.
Кәсіпкер Threads әлеуметтік желісіндегі парақшасында маусым айының басынан бері Алматыда болмағанын жазды. Қалаға келгеннен кейін өзімен бірге жеткілікті киім алмағанын байқап, жақын маңдағы Esentai Mall-ға барған.
Томский премиум санаттағы сауда орталығындағы кейбір тауарлардың бағасына таңғалғанын жасырмады.
«Мен өзім кедей адам емеспін. Бірақ осы футболкаларды 1000 долларға кім сатып алады екен? Ең бастысы – не үшін?» – деп жазды Арсен Томский.
Esentai Mall Алматыдағы премиум сегментке бағытталған сауда орталықтарының бірі саналады. Онда әлемдік люкс және премиум брендтердің дүкендері орналасқан.
Еске сала кетейік, бұған дейін кәсіпкер Арсен Томский Ыстанбұлда Босфор жағасында дүркіретіп үйлену тойын өткізген еді.
- Соңғы
Күнделікті жаңалықтар
21 қыркүйек 2026
