Азия ойындарында 13 жастағы қытай спортшысы рекорд орнатты
13 жастағы қытай спортшысы Юй Зиди Азия ойындарының бірінші күнінде рекорд орнатып, алтын медаль алды. Бұл туралы The Guardian-ға сілтеме жасаған Kursiv Media хабарлайды.
Қазанда 14-ке толатын мектеп оқушысы әйелдер арасында 200 метрді баттерфляй әдісімен 2 мин 05.08 секундта жүзіп өтті. Бұл медаль – қытай жасөспірімінің спорттық мансабындағы ең ірі жеңісі. Енді Юй Зиди екі жылдан кейін Лос-Анжелесте өтетін Олимпиада ойындарына қатыспақшы.
Жас спортшы 2012 жылы 16 қазанда Қытайдың Баодин қалалық округінде дүниеге келген. 2024 жылы 11 жасында Жазғы Олимпиада ойындарының іріктеу кезеңіне қатысты. 400 метрді 4 мин 40 секундта жүзіп өтіп, нормативтен бар болғаны ( 4 мин 38 секунд -ред.) 2 секунд кешігіп қалды.
Былтыр Сингапурде жүзуден әлем чемпионатына қатысып, эстафеталық жарыста қола медаль жеңіп алды. Осылайша чемпионат тарихындағы ең жас жүлдегер атанған.
Азия ойындарында қытай спортшылары негізгі фавориттердің бірі саналады. Жарыстың алғашқы күнінде олар жеті алтын медальдің алтауын жеңіп алды.
Еске салайық, қазір Жапониядағы Айчи-Нагояда Азия ойындарыөтіп жатыр. Қазақстан спортшылары алғашқы күні төрт алтын, екі қола медаль алып үлгерді.
- Соңғы
Күнделікті жаңалықтар
21 қыркүйек 2026
