Алматы метросында жолаушыдан белгісіз зат табылып, қылмыстық іс қозғалды
Алматыдағы «Алатау» метро станциясында жолаушыдан өсімдік тектес зат салынған бума табылды, деп хабарлайды Kursiv.Media.
Қалалық полиция ақпаратына сүйенсек, оқиға шамамен сағат 23:00-де болған. Метрополитен полициясы көлік қауіпсіздігі қызметімен бірлесіп, жолаушыларды тексеру кезінде күдік тудырған ер адамды тоқтатқан. Оның күртесінің қалтасынан жасыл түсті зат салынған бума табылған.
Оқиға орнына жедел-тергеу тобы шақырылды. Табылған зат тәркіленіп, сараптамаға жіберілді.
Осы факті бойынша қылмыстық іс қозғалды. Қазір тергеу амалдары жүргізіліп, оқиғаның мән-жайы анықталып жатыр.
Айта кетейік, осыған дейін қоғамдық ғимараттарға жазу жазып, суреттер салуға заңмен тыйым салынуы мүмкін екенін жазған едік. ІІМ бұл есірткі жарнамасымен күресу жолын екендігін айтқан.
- Соңғы
Күнделікті жаңалықтар
24 қыркүйек 2026
