Тоқаев мәслихаттардың өкілеттігін мерзімінен бұрын тоқтатуды ұсынды
Қазақстан Халық Кеңесінің бірінші сессиясында Президент Қасым-Жомарт Тоқаев барлық деңгейдегі мәслихаттардың өкілеттігін мерзімінен бұрын тоқтату мәселесін көтерді, деп хабарлайды Kursiv.Media.
Мемлекет басшысының айтуынша, жергілікті өкілді органдардың көпшілігі бұрын «Amanat» партиясынан сайланған. Алайда саяси ұйымның «Әділет» партиясына қосылуына байланысты мәслихат депутаттарының өкілеттігіне қатысты мәселе туындап отыр.
Тоқаев бұл мәселе бойынша жақын арада Премьер-министрмен және Құрылтай төрағасымен кеңесетінін, содан кейін тиісті Жарлыққа қол қоятынын айтты.
«Содан соң тиісті Жарлыққа қол қоямын. Көп ұзамай Орталық сайлау комиссиясы сайлау өтетін күнді жариялауы керек. Бұл қадам мәслихаттардың білікті әрі кәсіби корпусын қалыптастыруға жол ашып, оның жұмысына тың серпін береді», – деді Президент.
Қолданыстағы заңнамаға сәйкес, мәслихаттардың өкілеттігі мерзімінен бұрын тоқтатылған жағдайда кезектен тыс сайлау өткізіледі.
Сондай-ақ Тоқаев сессияда Қаринге Конституцияны халыққа түсіндіру жұмысын тапсырған еді.
- Соңғы
Күнделікті жаңалықтар
24 қыркүйек 2026
