Ақтауда мұғалім мектепке мас болып келген (видео)
Ақтаудағы Назарбаев Зияткерлік мектебінің қызметкері мектепке мас күйде келгені көрінетін видео тарады, деп хабарлайды Kursiv.media.
Lada ақпаратына қарағанда, оқушылар мұғалімнен жағдайды сұрағанда, ол ішімдік ішкенін жоққа шығармай, «солай болып қалды» деп кешірім сұрады.
Оқушылардың айтуынша, бұл жағдай бұрын да қайталанған. Олар қызметкер балаларға дөрекілік көрсетіп, жанжал шығарғанын мәлімдеді.
НЗМ директоры Ринат Жұмабаев ішкі тексеріс басталғанын хабарлады. Дәлелденсе, Еңбек кодексіне сәйкес жұмыстан босатуға дейінгі шаралар қабылданады.
Маңғыстау облыстық білім саласындағы сапаны қамтамасыз ету департаменті жағдайды бақылауға алып, мән-жайды анықтауға кірісті. Тексеріс қорытындысы әлі жарияланған жоқ.
Ал Шымкентте мас зейнеткер 12 жасар баланы соққыға жыққан еді.
- Соңғы
Күнделікті жаңалықтар
24 қыркүйек 2026
