Өзбекстанда балаларға қорлық көрсеткендер өмір бойына дейін сотталады
Өзбекстан парламенті педофилия үшін өмір бойына бас бостандығынан айыру жазасын қарастыратын заң жобасын бірінші оқылымда мақұлдады, деп хабарлайды Kursiv Media.
Өзбекстан Заң шығару палатасы 14 жасқа толмаған балаларды зорлағаны үшін өмір бойына бас бостандығынан айыру жазасын енгізуді көздейтін заң жобасын бірінші оқылымда қабылдады. Құжат әлі екі оқылымнан өтуі тиіс.
Өзбекстанда қабылданып жатқан жаңа заң жобасына сәйкес, педофилия үшін жауапкершілік едәуір қатаңдатылады. Құжатта 14 жасқа толмаған балаларға қатысты ауыр қылмыс жасаған тұлғаларды ұзақ мерзімге немесе өмір бойына бас бостандығынан айыру жазасы қарастырылған.
Сонымен бірге, мұндай қылмыстар бойынша ескіру мерзімі жойылады, бұл кінәлілердің уақыт өтсе де жауапкершіліктен құтылуына жол бермейді.
Қазіргі қолданыстағы заң бойынша аталған қылмыс үшін 15-тен 20 жылға дейін бас бостандығынан айыру жазасы қарастырылған.
Елде мұндай қылмыстар үшін жазаны қатайту туралы талап Наманган облысындағы балабақшада 5 жасар қызға жасалған зорлық-зомбылық оқиғасынан кейін күшейді.
Қазіргі уақытта аталған мекеменің шаруашылық меңгерушісі тұтқындалған.
Оқи отырыңыз: Өзбекстанда ерлі-зайыпты қарыздарынан құтылу үшін 14 жастағы ұлын сатпақ болған
- Соңғы
Күнделікті жаңалықтар
29 қыркүйек 2026
