Сербия президенті Александр Вучич өз еркімен қызметінен кетті
27 қыркүйекте Сербия президенті Александр Вучич отставкаға кету туралы арызға қол қойды. Бұл туралы Kursiv Media хабарлайды.
Вучич Белградтағы президент сарайының алдында халыққа үндеу жасап, өз жұмысында «көптеген қателіктер жібергенін» мойындады. Сондай-ақ ол өзіне екі рет сенім білдіріп, ел тізгінін сеніп тапсырған азаматтарға алғысын білдірді.
Енді елді жаңа сайлау өткенше Сербия парламентінің төрағасы Ана Брнабич уақытша басқарады. Президенттік сайлаудың алғашқы туры желтоқсан айының соңына дейін өтуі тиіс.
Вучич мұндай шешімге не себепті келгенін де түсіндірді. Оның айтуынша, заң бойынша сайлау кампаниясы басталғанша қызметтен кету міндетті емес болса да, бұл қадамды өзі әділ деп тапқан. Президент өзін «тиран» деп айыптаған саяси қарсыластарының ешқашан ашық диалогқа келгісі келмегенін, тек өз пікірін тықпалағанын айтты.
Александр Вучич бұл отставкаға АҚШ-қа сапарынан кейін кететінін 11 қыркүйекте-ақ хабарлаған болатын.
- Соңғы
-
- Қыркүйек, 27
-
-
-
-
-
-
-
-
-
-
-
-
-
-
-
- Қыркүйек, 26
-
-
Күнделікті жаңалықтар
28 қыркүйек 2026
