Каспийде қаза тапқан офицердің мәйіті әскери ұшақпен Түркістанға жеткізілді
Каспий теңізіндегі қайғылы оқиға кезінде қаза тапқан әскери қызметші Олжас Мұхтарұлының мәйіті әскери ұшақпен Түркістанға жеткізілді. Бұл туралы Қорғаныс министрлігі Kursiv.Media-ға хабарлады.
Ведомство мәліметінше, Олжас Мұхтарұлы Түркістан облысының тумасы.
Ол Маңғыстау облысында Әскери-теңіз күштерінің оқу-жаттығуы кезінде қаза тапқан әскери қызметшілердің бірі.
Еске сала кетейік, 24 қыркүйекте Каспий теңізіндегі оқу-жаттығу кезінде әскери қызметшілерді теңіз алып кеткен. Қаза тапқандар саны 14-ке жетті. Оқиғаға байланысты қылмыстық іс қозғалып, Үкіметтік комиссия құрылды. Қорғаныс министрлігінен бес лауазымды тұлға қамауға алынды.
Бұған дейін, үш әскеридің мәйіті Батыс Қазақстан облысына жеткізілген еді.
Қайғылы жағдайға байланысты Президент Қасым-Жомарт Тоқаевтың өкімімен 25 қыркүйек Қазақстанда жалпыұлттық аза тұту күні болып жарияланды.
- Соңғы
-
-
-
-
-
-
-
-
-
-
-
-
-
-
-
-
- Қыркүйек, 24
-
-
Күнделікті жаңалықтар
25 қыркүйек 2026
