Шығыс Қазақстанда жылу беру маусымы басталады
Шығыс Қазақстан облысындағы қалаларда жылу беру жүйесі кезең-кезеңімен іске қосыла бастайды, деп хабарлайды Kursiv.media.
YK-news.kz ақпаратына қарағанда, Риддер қаласында жылу беру маусымы 28 қыркүйектен басталмақ.
Бұған сыртқы ауаның орташа тәуліктік температурасының төмендеуі себеп болып отыр. Соған байланысты жылу беру маусымын бастау мерзімдері белгіленді.
«Шығыс Жылу» АҚ филиалының мәліметінше, 28 қыркүйектен бастап әлеуметтік-мәдени нысандарға, ал 1 қазаннан бастап тұрғын үйлерге, әкімшілік және өндірістік ғимараттарға жылу беріле бастайды.
«Жылу энергиясы бекітілген қосу кестесіне сәйкес, нысандардың жылуды қабылдауға дайындығына қарай кезең-кезеңімен беріледі. Басқарушы және қызмет көрсетуші ұйымдардан, сондай-ақ нысан иелерінен ішкі жылу жүйелерінің жылу энергиясын қабылдауға дайын болуын қамтамасыз етуді сұраймыз», — деп түсіндірді компания.
Айта кететін жайт, Қазақстанның солтүстік және шығыс өңірлерінде жылыту маусымын 1 қазанға дейін бастау жоспарланған еді.
- Соңғы
-
-
-
-
-
-
-
-
- Қыркүйек, 24
-
-
-
-
-
-
-
-
-
-
Күнделікті жаңалықтар
25 қыркүйек 2026
