Маңғыстаудағы әскерилер өліміне байланысты Әзербайжан СІМ көңіл айтты
Маңғыстаудағы әскерилер өліміне байланысты Әзербайжан СІМ көңіл айтты деп хабарлайды Kursiv Media.
«Каспий теңізіндегі Қазақстан Әскери-теңіз күштерінің оқу-жаттығуы кезінде адам қаза болғанына байланысты қайғымызға ортақтасамыз. Қаза тапқан әскери қызметшілердің отбасылары мен жақындарына, сондай-ақ Қазақстан халқы мен Үкіметіне көңіл айтамыз. Марқұмдардың жаны жәннатта болсын. Олардың отбасыларына осы қиын кезеңде күш пен сабыр тілейміз», – деп жазылған хабарламада.
24 қыркүйекте Қорғаныс министрлігі Маңғыстау облысында оқу-жаттығу кезінде 19 қазақстандық әскери қызметшіні Каспий теңізінің ағысы алып кеткенін хабарлады. Оның тоғызы қайтыс болған.
Бас Прокуратура Ақтау гарнизонында оқу-жаттығу кезіндегі тоғыз теңізшінің өліміне қатысты қылмыстық іс қозғады. Бектеновтың өкімімен Маңғыстау облысында әскери қызметшілердің қаза болу себептерін тергеп-тексеру жөніндегі үкіметтік комиссия құрылды.
- Соңғы
Күнделікті жаңалықтар
24 қыркүйек 2026
