Үш марқұм әскерилердің мәйіті туған жерлеріне жіберілді
Каспийде оқу-жаттығу кезінде қаза тапқан үш әскери қызметшінің мүрдесі арнайы рейспен туған өңірі – Орал қаласына жеткізілді. Арнайы рейс Орал әуежайына 25 қыркүйекте сағат 08:45-те жетті, деп хабарлайды Kursiv.Media.
Қала әкімдігі марқұмдар Жеңіс Темірғалиев, Өмірбек Өмірзақ және Ақжайық Ғилажды ақтық сапарға шығару және жерлеу рәсімі 26 қыркүйекте өтетінін хабарлады.
Қайғылы оқиға 24 қыркүйекте Әскери-теңіз күштерінің Каспий теңізіндегі оқу-жауынгерлік тапсырмаларын орындау кезінде болды. Кенеттен көтерілген дауыл мен қатты желдің салдарынан 17 әскери қызметшіні теңіздің ағысы алып кетті.
Оқиға салдарынан 12 адам қаза тауып, үш адам құтқарылды. 25 қыркүйекте Каспий теңізінде тағы екі әскери қызметшінің денесі табылды. Маңғыстау облысында өткен оқу-жаттығу кезінде қаза тапқандар саны 14 адамға жетті.
Бас прокуратура Ақтау гарнизонында қылмыстық іс қозғалып, тергеу жүріп жатқанын хабарлады.
Әскери қызметшілер қаза тапқаннан кейін үкіметтік комиссия құрылып, төтенше жағдай орнына премьер-министрдің орынбасары Қанат Бозымбаев жіберілді.
Қазақстан Республикасы Қылмыстық кодексінің 453-бабының 2-бөлігі «Ауыр салдарларға әкеп соқтырған қызметке салғырт қарау» және 465-бабы «Кеме жүргізу қағидаларын бұзу» бойынша қылмыстық іс қозғалды.
Қаза болған әскерилердің отбасыларына көмек көрсету үшін бірыңғай қор құрылды.
- Соңғы
- Қыркүйек, 25
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
26 қыркүйек 2026
