2027 жылдың соңына дейін елде уран қоры құрылмақ
Қазақстан 2027 жылдың соңына дейін отандық АЭС-тер үшін уран мемлекеттік қорын қалыптастырады. Бұл туралы Үкімет отырысында Премьер-министрдің орынбасары – Ұлттық экономика министрі Серік Жұманғарин мәлімдеді, деп жазады Kursiv.Media..
Бұған дейін Қасым-Жомарт Тоқаев АЭС-ке қажетті уранның 100 жылға жететін қорын құруды тапсырған болатын.
Энергетика министрлігінің мәліметінше, Атом саласын дамытудың 2050 жылға дейінгі стратегиясына сәйкес кемінде 150 мың тонна уран жинау жоспарланып отыр.
Жобаланған жүйе ядролық отынмен қамтамасыз ету толық тізбегін камтиды. Атап айтқанда жер қойнауындағы уран қорын сақтаудан бастап, табиғи уран қорын жаса және дайын ядролық отын резервін құруды көздейді.
Сонымен қатар 2027 жылы Алматы облысында орналасатын екінші АЭС — «Мойынқұм» станциясының құрылысын жеделдету үшін үкіметаралық келісімге қол қою жоспарланған.
Саланы дамытудағы негізгі міндеттердің бірі ретінде екі АЭС үшін де қажетті инженерлік желілерді тарту жұмыстары белгіленді.
Ал Қазақстандағы алғашқы АЭС-ті ресейлік «Росатом» компаниясы салады, Балқаш көлінің жағасында бой көтеретін бұл станцияның құрылыс жұмыстары 2027 жылы басталады.
- Соңғы
-
-
-
-
-
-
-
-
- Қараша, 02
-
-
-
-
-
-
-
-
-
-
Күнделікті жаңалықтар
3 қараша 2026
