БҚО-да АИТВ жұқтырған 10 адам емделуден бас тартып, іздестіріліп жатыр
Батыс Қазақстан облысында АИТВ инфекциясы анықталған 10 адам ем қабылдаудан бас тартып, дәрігерлердің бақылауына келмей қойған. Қазір олардың жүрген жерін анықтау үшін полиция қызметкерлері тартылған. Бұл туралы «Уральская неделя» басылымы облыстық денсаулық сақтау басқармасына сілтеме жасап хабарлады.
Денсаулық сақтау басқармасының мәліметінше, аталған азаматтар вирусқа қарсы антиретровирустық емді қабылдауды тоқтатып, медициналық бақылаудан шығып кеткен. Оларды табу үшін медицина қызметкерлері полициядан көмек сұраған. Қазір облыста АИТВ диагнозымен 755 адам диспансерлік есепте тұр.
2026 жылдың алғашқы тоғыз айында облыста АИТВ инфекциясын жұқтырудың 44 жаңа жағдайы тіркелген. Былтыр осы кезеңде 55 адамнан инфекция анықталған. Мамандардың мәліметінше, вирустың негізгі таралу жолы – жыныстық қатынас. Жұқтыру жағдайларының 60%-ы гетеросексуалдық, ал 13%-ы гомосексуалдық қатынастармен байланысты.
Дәрігерлер жүкті әйелдерді де ерекше бақылауда ұстап отыр. Қазір облыста АИТВ инфекциясы бар 11 жүкті әйел медициналық бақылауда. Олардың алтауы босанған. Өткен жылы мұндай есепте 13 жүкті әйел болған. Олардың тоғызы баласын дүниеге әкелген.
Биыл өңірде бес жастағы баладан да АИТВ анықталған. Мамандардың мәліметінше, балаға инфекция анасынан жұққан. Әйел өзінің АИТВ жұқтырғанын білмеген. Инфекция биыл емханадағы жоспарлы тексеру кезінде ғана анықталған.
- Соңғы
-
-
- Қараша, 09
-
-
-
-
-
-
-
-
-
-
-
-
-
-
-
-
Күнделікті жаңалықтар
10 қараша 2026
