Әлемде ЖИ салдарынан жастар арасында жұмыссыздық артып келеді
Әлемде әр салаға жасанды интеллекттің енуі салдарынан 2025 жылы жастар арасындағы жаһандық жұмыссыздық деңгейі өсті деп жазады Reuters
«2025 жылы жастар арасындағы жаһандық жұмыссыздық өсті. Экономикалық өсудің баяулауы, геосаяси шиеленіс және жаңа жұмыс орындарының баяу ашылуы жастардың жұмыс табуын қиындатып отыр. Жасанды интеллект еңбек нарығындағы қысымды бұрынғыдан да күшейте түсуі мүмкін», – делінген Халықаралық еңбек ұйымының деректерінде.
БҰҰ-ның еңбек мәселелері жөніндегі агенттігінің баяндамасына сәйкес, көрсеткіш 2023 жылғы 12,3%-дан жыл сайын артып, бүкіл әлем бойынша 67 миллион адамды құрады. Ал жұмыс істемейтін және оқымайтын жастардың (NEET санаты) үлесі 20%-ға жетіп, 257 миллионнан аса адамды құрады.
Жұмыссыздықтың ең жоғары деңгейі араб мемлекеттерінде (26,2%) және Солтүстік Африка елдерінде (22,6%) тіркелді. Сонымен қатар жағдайдың күрт нашарлауы дамыған елдерде де байқалды. Мәселен, Солтүстік Америкада көрсеткіш 2023 жылғы 8,3%-бен салыстырғанда 9,8%-ға өсті. Ал Солтүстік, Оңтүстік және Батыс Еуропада жастар арасындағы жұмыссыздық деңгейі 15%-ды құрады.
Агенттік орта біліктілікті қажет ететін кеңсе, әкімшілік, сауда және өндіріс салаларындағы орындардың қысқарғанын атап өтті. Дәстүр бойынша бұл лауазымдар мектеп пен университет түлектерінің еңбек жолын бастайтын алғашқы баспалдағы болатын.
Технологиялардың дамуы еңбек нарығына қосымша салмақ түсіріп отыр. Ұйымның бағалауы бойынша, 15 пен 29 жас аралығындағы адамдар атқаратын жұмысы жасанды интеллект әсерінен өзгеріске ұшырауы мүмкін. Ол кезде сәйкесінше, 5,6 миллион жас маман жұмыссыз қалу қаупінде тұр.
- Соңғы
Күнделікті жаңалықтар
12 тамыз 2026
