Қызылордадағы мұнай өңдеу зауытында 120 тонналық екі резервуар өртенді
Қызылорда қаласындағы шағын тоннажды мұнай өңдеу зауыттарының бірінде ірі өрт болды. Қалалық ТЖД қызметкерлері жалынды ауыздықтап, көршілес тұрған үш бірдей резервуар аман қалды, деп хабарлайды Kursiv Media.
Оқиға орнына алғашқы өрт сөндіру бөлімшелері жеткен кезде әрқайсысы 60 тонна болатын екі резервуар жанып жатқан. Оларда жалпы көлемі 120 тонна мұнай өнімі болған. Өрттің одан әрі таралып, жанында тұрған тағы үш резервуарға өту қаупі жоғары болды.
Оқиға орнында ТЖМ, жергілікті атқарушы органдар мен апаттық қызметтердің басын қосқан өрт сөндіру штабы құрылды. Көршілес резервуарларды жалыннан қорғау үшін тасымалды лафеттік оқпандар қосылып, арнайы көбік атылды. Өртті ауыздықтауға арнайы өрт сөндіру пойызы тартылды.
Жалпы өрт шарпыған аумақ 200 шаршы метрді құрады. Қазіргі уақытта оқиғаның шығу себебі анықталып жатыр. Мамандар қажетті сараптамалар жүргізу үшін арнайы өрт сынақ зертханасын тағайындады. Жарақат алғандар мен зардап шеккендер туралы ақпарат түскен жоқ.
Осыған дейін шымкенттегі мұнай өңдеу зауытында апатты жағдай болған.
- Соңғы
Күнделікті жаңалықтар
8 қыркүйек 2026
