Қатар Ормұз бұғазын айналып өтетін газ құбырын салмайды
Қатар Ормұз бұғазын айналып өтіп, газ тасымалдауға арналған құбыр салмайды. Бұл экономикалық тұрғыдан тиімсіз. Бұл жайлы БҰҰ Бас Ассамблеясы аясында өткен Қатар экономикалық форумында энергетика жөніндегі мемлекеттік министр Саад әл-Кааби мәлімдеді, деп хабарлайды Кursiv.Media.
«Коммерциялық және техникалық талаптарды ескере отырып, құбырларды балама нұсқа ретінде қарастырмаймыз деп шештік », – деді әл-Кааби. Оның сөзін Qatar Energy мемлекеттік компаниясының баспасөз қызметі таратты.
Министрдің айтуынша, Қатар газды қазірдің өзінде сұйытылған күйде экспорттайды. Сондықтан газды алдымен құбыр арқылы газ күйінде тасымалдап, кейін қабылдау терминалдарында қайта сұйылту қажет болар еді.
«Бұл Қатарда North Field кен орнын кеңейту жобасы аясында салынып жатқан нысандардың қайталама инфрақұрылымын салуды талап етеді. Экономикалық тұрғыдан алғанда, мұның мәні жоқ», – деді министр.
Тағы да оқыңыз: Иран Ормұз бұғазында танкерге шабуыл жасады
- Соңғы
Күнделікті жаңалықтар
22 қыркүйек 2026
