Бельгия королі Қазақстанмен ынтымақтастықты кеңейтуге шақырды
Бельгия королі Филипп Қазақстан мен Бельгияның Еуропа және Орталық Азия арасындағы байланысты нығайтуға мүмкіндігі мол екенін айтты, деп хабарлайды Kursiv.Media.
Ол екі елдің бизнес өкілдерін энергетика, маңызды минералдар, көлік-логистика, қаржы және туризм салаларындағы ынтымақтастықты дамытуға шақырды.
Корольдің айтуынша, Бельгия Еуропа нарығына шығатын маңызды қақпа болса, Қазақстан географиялық орналасуы мен табиғи ресурстарының арқасында сауда, инвестиция және жасыл экономика орталығына айналып келеді.
Сондай-ақ Қасым-Жомарт Тоқаев, король Филипп пен патшайым Матильда Астанадағы Alem.ai халықаралық жасанды интеллект орталығын аралады. Қонақтарға орталықтың даму стратегиясы, TUMO Astana білім беру бағдарламасы және Қазақстан-Бельгия бірлескен жасанды интеллект және математика зертханасының жұмысы таныстырылды.
Зертханада жасанды интеллект арқылы бейімдеп оқыту және Паркинсон ауруын ерте анықтау бағытындағы жобалар жүзеге асырылып жатыр.
Іс-шара барысында Гент университеті Қазақстанның дарынды оқушылары мен студенттеріне телескоп сыйлады. Құралға физика саласындағы Нобель сыйлығының лауреаттары мен бельгиялық астронавт Франк Де Винненің қолтаңбасы қойылған.
- Соңғы
- Қазан, 13
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
14 қазан 2026
