Каспий жағалауынан 15 итбалықтың өлексесі табылды
Маңғыстау облысында Каспий теңізінің жағалауынан бірден 15 итбалықтың өлексесі табылды, деп хабарлайды Kursiv.media Ауыл шаруашылығы министрлігіне сілтеме жасап.
Өлген жануарларды «Каспий итбалығы» мемлекеттік табиғи резерватының инспекторлары жағалау аймағына мониторинг жүргізу барысында байқаған.
«Анықталған факт туралы тиісті уәкілетті органдарға хабарланды. Маңғыстау облысы бойынша экология департаментінің қызметкерлері теңіз суы мен топырақтан сынамалар алды, одан кейін белгіленген санитарлық талаптарды сақтай отырып, жағалауды тазалау жұмыстары ұйымдастырылады», – делінген хабарламада.
Қазіргі уақытта жағалау аймағына мониторинг жүргізу жалғасып жатыр. Жануарлардың өлім себебі тиісті зерттеулердің нәтижесі бойынша анықталады.
Министрліктен түсіндіргендей, көктемгі-күзгі кезеңде Каспий теңізінің қазақстандық секторының жағалауында, соның ішінде Маңғыстау облысында, солтүстік-батыс және батыс бағытынан соққан дауылды желдер кезінде өлі итбалықтардың жағаға шығып қалу фактілері тіркеліп тұрады.
Бұған дейін де Баутино кентіндегі Каспий теңізінің жағалауынан итбалықтар мен бекіре балықтарының өлексеслері табылған еді.
- Соңғы
Күнделікті жаңалықтар
13 қазан 2026
