Табытта жатқан жасөспірім қыз жаназасында тіріліп кетті
Гватемалада туыстары жиналып, қоштасу рәсімін өткізіп жатқанда табытта жатқан 15 жастағы қыз тіріліп кетті, деп хабарлайды Kursiv.media.
The Sun басылымының хабарлауынша, медициналық орталыққа барар жолда Юлейди атты жасөспірімнің кенеттен жағдайы нашарлаған. Әкесі қызының тынысы мен пульсін тексеріп, қайтыс болды деп есептеген.
Қызды өлді деп дәрігерлерге апармаған. Қайтыс болғаны туралы куәлік те алып үлгермеген.
Содан кейін отбасы үйде қоштасу рәсімін ұйымдастырған. Рәсім кезінде Юлейдидің анасы табыттың қозғалғанын байқаған. Туыстары дереу оны ашып, қызды шығарып алған.
«Тірі қалғаным үшін Құдайға және ата-анама алғыс айтамын», – деді Юлейди.
Бұл оқиғадан кейін қыз үйінде болып, қалпына келе бастаған. Гватемала билігі бұл жағдайға қатысты әзірге ешқандай ресми түсініктеме бермеген.
Айта кететін жайт, АҚШ-та өлім жазасы қолданылған америкалық әйел тіріліп кеткен еді.
- Соңғы
Күнделікті жаңалықтар
13 қазан 2026
