Шәріпбаевтың қызына тиесілі болған жылу орталығының иесі ауысты
QazaqGaz компаниясының бұрынғы басшысы, Қайрат Шәріпбаевтың қызы – Қорлан Шәріпбаеваға тиесілі болған Ақтөбе ЖЭО-сының иесі ауысты. Шәріпбаева жылу-электр орталығына Inform Sistem компаниясы арқылы иелік ететін еді.
Қаржы есептілігі депозитариіндегі ақпаратқа сәйкес, аталмын компания құрылтайшылар қатарынан шығып, оның орнына Central Asia Warehouse Private Equity Fund ашық инвестициялық компаниясы келген.
egov.kz ақпаратында инвестициялық компанияның директоры ретінде Әсет Әбдіғаппаров көрсетілгенімен, құрылтайшылары ашық жазылмаған. Компания Астана халықаралық қаржы орталығында тіркелген.
«Ақтөбе ЖЭО» АҚ – табиғи газға қомақты қарызы бар кәсіпорындардың бірі. Оның жаққан отынға төлемеген борышы 6,8 млрд теңгеден асқан.
- Соңғы
Күнделікті жаңалықтар
13 қазан 2026
