Шығыс Қазақстанда бірден 12 әкім жазаланды
Шығыс Қазақстан облысында аумақтағы заңсыз қоқыс полигондарына тиісті бақылау жүргізбегені үшін Глубокое ауданының 12 ауылдық округ әкімі әкімшілік жауапкершілікке тартылды, деп хабарлайды Kursiv.Media өңірлік прокуратураға сілтеме жасап.
Ведомствоның ресми сайтында хабарланғандай, Глубокое ауданының прокуратурасы спутниктік суреттерді талдау және аумақты көзбен шолып тексеру нәтижелері бойынша 15 рұқсат етілмемеген қоқыс полигонын анықтады.
Абаттандыру ережелерін бұзғаны үшін полиция қызметкерлері 177 адамды әкімшілік жауапкершілікке тартты.
Бұдан бөлек, прокурорлық ден қою шаралары аясында тиісті бақылау жүргізбегені үшін ауылдық округтердің 12 әкімі әкімшілік жауапкершілікке тартылды. Салынған айыппұлдар толық көлемде төленді.
Бұған дейін Ақмола облысында Үлгі ауылдық округінің әкімі кәсіпкерлік қызметке заңсыз араласқаны үшін әкімшілік жауапкершілікке тартылған еді.
- Соңғы
Күнделікті жаңалықтар
13 қазан 2026
