Ақтөбеде ер адам қызды пышақтап өлтірді
Ақтөбеде ер адам қызбен жанжалдасып, артынша пышақтап өлтірді. Бұл сәт камераға түсіп қалған, деп хабарлайды Kursiv.media.
Kriminal Kazakhstan ақпаратына қарағанда, қайғылы оқиға 10 қазан күні сағат 22:30 шамасында Ақтөбе қаласындағы Сәтпаев көшесінде болды.
Алдын ала мәліметтер бойынша, қыз бен оның таныс ер адамның арасында жанжал туындаған. Артынша оған пышақ салған.
Бұл сәт бейнежазбаға түсіп қалған. Ер адам қызға жақындап келіп, сөйлеседі. Қыз тәжікелесуден қашып, орнынан тұрып, кете бастайды. Жігіт артынан жүгіріп барып, пышақ сұғады. Қызды мойнынан ұстап, көліктердің тасасына сүйреп әкетеді.
Алған жарақаттарынан жәбірленуші оқиға орнында көз жұмған.
Кісі өлтірді деген күдікпен Атырау қаласының 28 жастағы тұрғыны ұсталды. Адам өлтіру фактісі бойынша қылмыстық іс қозғалды.
Айта кететін жайт, Алматыда қоғамдық көлікте жолаушыларды пышақпен қорқытқан 38 жастағы ер адам 12 тәулікке әкімшілік қамауға алынған еді.
- Соңғы
Күнделікті жаңалықтар
13 қазан 2026
