Астанада кісі өлтіргендердің кім екені 21 жылдан кейін анықталды
Полиция 20 жылдан астам уақыт бұрын кісі өлтіріп, қылмыс жасағандарды анықтап, қамауға алды.
Polisia.kz хабарлауынша, Астанада 2005 жылы зорлық-зомбылық белгілері бар ер адамның мәйіті табылған еді. Айғақтардың болмауына байланысты қылмысты сол кезде ашу мүмкін болмаған.
«Биыл полиция архивті қайта зерделеп, жедел-іздестіру іс-шараларын жүргізді. Нәтижесінде қылмысқа қатысы бар Павлодар облысының екі тұрғыны анықталды. Тамыз айында күдіктілер ұсталып, кінәларын мойындады. Қазіргі уақытта екеуі де қамауда», – делінген ақпаратта.
Полицияның мәліметше, тергеу жалғасып жатыр. ІІМ криминалдық полиция департаментінің бастығы Қанат Нұрмағамбетов өткен жылдардағы қылмыстарды ашу Ішкі істер министрлігінің ерекше бақылауында екенін айтты.
Айта кететін жайт, Қостанайда ер адам әйелін өлтіріп, денесін дәретханаға жасырып, өзі екі ай бойы іздеген түр танытқан.
- Соңғы
-
-
-
-
-
-
-
-
-
-
-
-
-
-
- Тамыз, 18
-
-
-
-
Күнделікті жаңалықтар
19 тамыз 2026
