Талғар мұздығынан адам сүйектері табылды
Алматы облысының Талғар ауданындағы Северцов мұздығынан туристік құрал-жабдықтармен бірге адам сүйектері табылды.
Бұл туралы Анастасия Ахметова Facebook желісінде жазды.
«Жексенбі, 16 тамызда тауға шығумен айналысатын беларусь достарым біздің тауларда екі апта бойы треккинг жасап, төменге түсті. Олар маған Северцов мұздығында туристің адам сүйектері жатқанын айтып, видео да көрсетті», – деді ол.
Олар бірден 109 нөміріне хабарласқан. Оқиға орнының координаттарын, фотосуреттер мен видеоны жіберген.
«Жеке өз басым, адам сүйектерін сол жерде қалдыру – христиандыққа да, мұсылмандыққа да, жалпы адамгершілікке де жат деп есептеймін. Бұл – біреудің ұлы, біреудің әкесі, біреудің ағасы. Жалпы, біздің тауларда адамның денесі жатпауы керек. Туристер оған кезігіп жатыр. Осы жаздың өзінде кем дегенде екі топ мәйіттің жанынан өтіп кеткен», – делінген жазбада.
2025 жылғы ресейлік туристік топтардың есептерінде маршрутқа дайындық кезінде беларусьтік туристер бұл жерде адамның жатқанын оқып, фотосуреттерін де көрген. Олар мәйіттің мұздықтан әлдеқашан шығарылғанына сенімді болған.
Анастасия Ахметова мәйітті мұздықтан алып түсіріп, қаза тапқан адамның жеке басын анықтап, сүйектерін туыстарына беруді талап етіп отыр. Ол ТЖМ-ға хабар бергенін, олардың полицияға хабар бергенін айтты.
Мұның алдында Қырғызстан тауларында беларусь және литвалық альпинистердің мәйіті дрон арқылы табылған еді.
- Соңғы
-
-
-
-
-
-
-
-
-
-
-
-
-
-
-
- Тамыз, 18
-
-
-
Күнделікті жаңалықтар
19 тамыз 2026
