Қазақстанда жеті айда 92,3 мың тұрғын үй пайдалануға берілді
Биылғы жеті айдың қорытындысы бойынша 9,7 млн шаршы метр тұрғын үй немесе 92,3 мың тұрғын үй пайдалануға берілген.
Өнеркәсіп және құрылыс министрлігінің хабарлауынша, биылғы жоспар бойынша 20,4 млн шаршы метр тұрғын үй салынуы тиіс. Бұл шамамен 188 мың тұрғын үй болады. Осылайша, бүгінгі таңда жылдық жоспардың 47,5%-ы орындалған.
«Жаңа тұрғын үй салумен қатар, азаматтарға мемлекеттік қолдау көрсету шаралары да жүзеге асырылуда. Биыл 155,5 млрд теңгеге 12 мың кредиттік тұрғын үй пәтерін салу және сатып алу көзделген. Сонымен қатар 269 млрд теңгеге 13,5 мың жалға берілетін тұрғын үй пәтерін сатып алу жоспарлануда», – делінген ақпаратта.
Жеңілдетілген тұрғын үй бағдарламалары аясында, жыл басынан бері азаматтарға 2-5% мөлшерлемемен жалпы сомасы 72,7 млрд теңгеге 5,1 мың несие берілді.
Айта кететін жайт, елдегі жаңа тұрғын үйдің 23%-ы Астанада пайдалануға берілген.
- Соңғы
-
-
-
-
-
-
-
-
-
-
-
-
-
-
- Тамыз, 18
-
-
-
-
Күнделікті жаңалықтар
19 тамыз 2026
