Алтын арзандап жатыр: Қазақстанда баға 16 айлық минимумға түсті
Қазақстанда алтын бағасы шамамен 16 айдағы ең төменгі деңгейге түсті. Ұлттық банктің соңғы жарияланған дерегіне сәйкес, 2026 жылғы 13 қарашада бағалы металдың бір грамы 56 277,10 теңге болды.
Бұдан төмен баға соңғы рет 2025 жылғы 14 шілдеде тіркелген. Ол кезде бір грамм алтын 55 873,13 теңге тұрған. Содан бері 487 күн өткен.
12 қарашада алтынның бір грамы 57 916,01 теңге болған. Келесі күні баға 1 638,91 теңгеге, яғни 2,83%-ға төмендеді.
1 грамм алтынның теңгедегі құны · күндік деректер
Күн мен бағаны көру үшін график бойымен жылжытыңыз немесе экранды түртіңіз.
Бұдан төмен баға соңғы рет 2025 жылғы 14 шілдеде тіркелген — 55 873,13 ₸/г. Содан бері 487 күн өтті, яғни шамамен 16 ай. Сызық көршілес жарияланған мәндерді қосады.
Инфографика: Нұрсұлтан Ерболатұлы
Қарапайым есеппен айтсақ, 10 грамм алтынның есептік құны бір күнде шамамен 16,4 мың теңгеге азайған.
Көрсетілген кезеңдегі ең жоғары баға 2026 жылғы 30 қаңтарда тіркелген: бір грамм алтын 89 002,60 теңгеге жеткен.
Сол деңгеймен салыстырғанда, 13 қарашадағы баға 36,8%-ға төмен. Яғни бір грамм алтынның құны шамамен 32,7 мың теңгеге азайған.
Дегенмен, бұл сандарды банктегі алтын құймасының сату бағасымен шатастырмаған жөн. Ұлттық банк жариялаған көрсеткіш пен банктердің құйманы сату немесе кері сатып алу бағасы әртүрлі болуы мүмкін.
16 қарашада деректер тексерілген кезде Ұлттық банк сайтындағы соңғы жарияланған баға 13 қарашаға тиесілі болды.
- Соңғы
Күнделікті жаңалықтар
16 қараша 2026