14 тамызда алты облыста ауа температурасы 40 градустан жоғары болады
«Қазгидромет» РМК 14 тамызда еліміздің алты облысында және Шымкент қаласында 40 градустан жоғары аптап ыстық болатынын хабарлады.
Алматы облысының солтүстігінде, Жетісу облысының солтүстігі мен шығысында күндіз ауа +40…+41 градусқа дейін ысиды. Дәл осындай температура Қарағанды, Ұлытау және Абай облыстарының оңтүстігінде де күтіледі.
Түркістан облысында сынап бағанасы +40…+44 градусқа дейін көтеріледі. Шымкентте +40…+42 градус, Түркістанда +40…+43 градус болжанып отыр.
15 тамызда да Қазақстанның оңтүстігінде ауа райы тұрақты түрде ыстық болады. Күндіз ауа температурасы +37…+42 °C-қа дейін көтеріліп, қатты ыстық болады.
Сонымен бірге елдің басым бөлігінде жоғары өрт қаупі сақталып отыр. Әсересе Түркістан облысында, Шымкент пен Түркістанда төтенше өрт қаупі сақталып тұр.
- Соңғы
- Тамыз, 13
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
14 тамыз 2026
