BYD тоғыз минутта қуатталатын жаңартылған Leopard 3-ті таныстырды

13.08.2026, 15:55 kz.kursiv.media

BYD Қытайда Fang Cheng Bao Ti 3 электрлі кроссоверінің жаңа базалық нұсқасын таныстырды. Қазақстанда бұл модель Leopard 3 атауымен белгілі, деп хабарлайды CarNewsChina.

Жаңа нұсқа Ti 3 модельдер қатарындағы ең қолжетімді көлік болды. Оның бағасы 21,3 мың доллардан (шамамен 9,9 млн теңге) басталады.

Кроссоверге екінші буындағы Blade аккумуляторы орнатылған. Бір қуаттағанда 510 шақырымға дейін жүре алады. Сондай-ақ көлікке өте жылдам қуаттау жүйесі орнатылған.

Бұған дейін Қытайда бұл модельдің бағасы 153,8 мың юаньнан (шамамен 10,6 млн теңге) басталған.

Көліктің басты ерекшеліктерінің бірі жылдам қуаттау мүмкіндігі. Қуаты 1 МВт болатын BYD станцияларында аккумуляторды 10%-дан 97%-ға дейін небәрі 9 минутта қуаттауға болады.

Электр қозғалтқышы көліктің артқы осіне орнатылған. Оның қуаты:

Көліктің бос салмағы 1920 келі.

Ti 3 моделінің өлшемдері – 4605×1900×1720 мм, ал доңғалақ базасы – 2745 мм. Алдыңғы бөлігінде көлемі 151 литрлік жүксалғыш бар. Сонымен қатар артқы қақпақта тағы бір 28 литрлік бөлім қарастырылған.

Қосымша ақыға кроссоверге лидармен жабдықталған DiPilot 300 («Құдайдың көзі») жүргізушіге көмек көрсету жүйесін орнатуға болады. Ол көлікті қала көшелері мен автомагистральдарда автоматты түрде басқаруға мүмкіндік береді.

Салонда 15,6 дюймдік орталық экран, 8,8 дюймдік цифрлық аспаптар панелі және 12 дюймдік проекциялық дисплей бар. Алдыңғы орындықтар жылыту, желдету және биіктікті реттеу функцияларымен жабдықталған.

Leopard 3 моделінің қымбатырақ нұсқаларында 75,6 кВт/сағ аккумулятор қолданылады. Алдыңғы жетекті нұсқасы CLTC стандарты бойынша бір қуаттағанда 620 шақырымға дейін жүре алады. Топтық нұсқасы толық жетекті және жалпы қуаты 375 кВт (503 ат күші) болатын екі электр қозғалтқышымен жабдықталған.

Тағы да оқыңыз: BYD 2 тоннаға дейін жүк сүйрей алатын алып Ti 9 гибридін көрсетті.

Толық оқыңыз…