Енді дәрігер қабылдауына 60 күн бұрын жазылуға болады
Қазақстанда дәрігер қабылдауына өз бетінше жазылу мерзімі 60 күнге дейін ұзартылды. Бұған дейін қабылдау кестелері негізінен екі аптаға ғана ашылатын, деп хабарлайды Kursiv.Media.
Денсаулық сақтау министрлігінің мәліметінше, жалпы практика дәрігерлеріне өз бетінше жазылу үлесі 20%-дан 72,5%-ға дейін, ал бейінді мамандарға жазылу үлесі 4%-дан 66,1%-ға дейін өсті.Медициналық-санитариялық алғашқы көмек көрсететін ұйымдарда учаскелік дәрігердің қабылдауын күту мерзімі орта есеппен 5–7 күннен 1–3 күнге дейін қысқарды. Қабылдауға 60 күнге дейін алдын ала жазылу мүмкіндігі бар.
Ал шұғыл жағдайлардағы пациенттер үшін емханаларда 680 арнайы кабинет ашылды. Бұл кабинеттерге дене қызуының жоғарылауы, артериялық қысымның көтерілуі, созылмалы аурулардың асқынуы, қатты ауырсыну, құсу, диарея және жеңіл жарақаттар кезінде жүгінуге болады.
Атап айтқанда, учаскелік дәрігерлердің пациенттерді қабылдауға арналған жұмыс уақыты күніне төрт сағаттан алты сағатқа дейін ұзартылды. Нәтижесінде қабылдауды күтудің орташа мерзімі 5-7 күннен 1-3 күнге дейін қысқарды.
Рецепттер мен уақытша еңбекке жарамсыздық парақтары электрондық форматқа көшірілді, медициналық анықтамалардың 13 түрі цифрландырылды.
Сонымен қатар жоспарлы емдеуге жатқызу алдында жүргізілген тексеру нәтижелерінің жарамдылық мерзімдері қайта қаралды. Жекелеген зерттеулер бойынша олардың мерзімі 10 күннен 12 күнге дейін, ал кейбіреулері бойынша бір айдан үш айға дейін ұзартылды.
- Соңғы
- Қыркүйек, 02
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
3 қыркүйек 2026
