Тоқаев қорғаныс министрінің орынбасарларына бірқатар тапсырма берді
Президент, қарулы күштердің жоғарғы бас қолбасшысы Қасым-Жомарт Тоқаев қорғаныс министрінің бірінші орынбасары – қарулы күштер бас штабының бастығы Айтқұрман Омарбеков пен қорғаныс министрінің орынбасары Татьяна Савельеваны қабылдады, деп хабарлайды Kursiv.media.
Мемлекет басшысы Қарулы күштердің қазіргі қызметі мен жауынгерлік әзірлігі, әскери даярлық іс-шараларын қаржылай қамтамасыз ету, қорғаныс министрлігі бюджетінің орындалуы туралы есепті тыңдады.
Сондай-ақ әскердің жай-күйі, жұмылдыру дайындығы және әскери бөлімдер мен сарбаздарға жүктелген міндеттердің орындалуы баяндалды.
Президентке армияны дамыту бағдарламасы, әскердің қажеттіліктерін қаржыландыру және бөлінген қаражатты қайта бөлу мәселелері жөнінде ақпарат айтылды. Бұдан бөлек, әскери инфрақұрылымды жарақтандыру және бөлімшелердің күнделікті қызметін қамтамасыз ету жайы талқыланды.
Кездесуде әскерді басқару жүйесін жетілдіру, шешім қабылдау жеделдігін арттыру, әскери резервті дайындау және жұмылдыруды жоспарлау мәселелеріне де назар аударылды. Сонымен қатар бюджет тәртібін сақтау, шығындарды негіздеу және бөлінген қаражаттың тиімділігін арттыру жолдары қарастырылды.
Кездесу қорытындысы бойынша Қасым-Жомарт Тоқаев қарулы күштердің жауынгерлік әзірлігін қамтамасыз етуге, армияның негізгі қажеттіліктерін қаржыландыруға және бюджет қаражатын тиімді пайдалануға қатысты бірқатар тапсырма берді.
Тағы да оқыңыз: 25 жылдан кейін Қорғаныс министрінің орынбасары болған екінші әйел жайлы не белгілі
- Соңғы
- Қазан, 19
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
20 қазан 2026
