Еуропада "ұшақтарда жарылғыш зат бар" деген хабарламалардан кейін тексеру басталды
5 қарашада Еуропада ұшақтарға бомба қойылғаны туралы жалған хабарламалар салдарынан кемінде 27 жолаушылар рейсі тексеруге алынды. Бірқатар әуе кемелерін қону алдында жойғыш ұшақтар сүйемелдеп жүрді, деп хабарлайды Kursiv.Media.
Reuters агенттігінің хабарлауынша, бұл – осы аптадағы екінші қауіпті толқын.
Франция: Дублиннен Римге бағыт алған Aer Lingus әуе компаниясының лайнері Париж маңындағы әскери базаға қондырылды. Барлық 151 жолаушы мен 6 экипаж мүшесі қауіпсіз жерге көшіріліп, ұшақты саперлер тексерді.
Болгария мен Италия: Болгарияда әскерилер Ryanair-дың үш ұшағын (Копенгаген, Мадрид және Лондоннан ұшқан) сүйемелдеп, әуежайларға аман-есен қондырды. Ал Италияда Финляндиядан келген Finnair рейсі бақылауға алынды. Тексеру кезінде жарылғыш зат табылған жоқ.
Испания мен Польша: Мадридте 20 минуттың ішінде бірнеше рейске қатысты қорқытушы хаттар түсіп, жолаушылар қайта тексерілді. Ал Варшавада LOT компаниясының Парижге ұшқалы тұрған ұшағы ұшу-қону жолағында тоқтатылып, жолаушылар басқа бортқа ауыстырылды.
Қазіргі уақытта барлық әуежайларда тексеру шаралары аяқталып, жолаушылар қауіпсіздігі қамтамасыз етілді.
- Соңғы
Күнделікті жаңалықтар
6 қараша 2026
