«Заң және тәртіп»: Оқушылар арасында құқық бұзушылықтың алдын алу жұмыстары жүргізілді
Шымкент қаласының білім беру ұйымдарында «Заң және тәртіп» қағидатын жүзеге асыру аясында кәмелетке толмағандар арасындағы құқық бұзушылықтардың алдын алу мақсатында профилактикалық іс-шаралар кезең-кезеңімен өткізіліп жатыр. Бұл іс-шаралардың маңыздылығы зор, өйткені жастардың құқықтық сауаттылығын арттыру, буллинг пен әлімжеттікке қарсы күрес, сондай-ақ кәмелетке толмағандардың құқықтары мен міндеттерін түсіндіру — бүгінгі қоғам үшін аса қажетті мәселе.
Бүгін Шымкент қаласындағы №15 Д.И. Менделеев атындағы мектеп-лицейінде осындай маңызды іс-шаралар ұйымдастырылды. Кездесу барысында мектептің жоғары сынып оқушыларына құқық бұзушылықтың, буллинг пен әлімжеттіктің алдын алуға бағытталған кең көлемді ақпараттар берілді. Іс-шараға қатысушылар кәмелетке толмағандардың құқықтары мен міндеттері туралы, сондай-ақ заң талаптарын бұзғаны үшін қарастырылған жауапкершілік жөнінде мағлұмат алды.
Сонымен қатар, кездесу барысында құқықтық мәдениетті қалыптастыру, өзара сыйластықты нығайту және мектепте қауіпсіз психологиялық ортаны құру маңызды тақырыптар ретінде көтерілді. Оқушылар жұртшылық арасында құқықтық тәртіпті сақтау, тұрмыстағы құқық бұзушылықтарды, атап айтқанда, буллинг пен әлімжеттіктің алдын алу туралы пікір алмасты.
Мектеп әкімшілігі мен құқық қорғаушы органдардың өкілдері оқушыларға құқықтарын пайдаланып, оларды қорғауға мүмкіндік беретін заңнамалық актілерді ұғындырумен қатар, өзін-өзі қорғау әдістері мен құқықтық ортаны қорғаудың маңыздылығын түсіндірді. Іс-шара барысында жеткіншектер өз сұрақтарын қойып, оларға жауаптар алып, пікірлерімен бөлісті.
Бұл кездесудің басты мақсаты — оқушылардың құқықтық сауаттылығын арттыру, олардың қауіпсіздігін қамтамасыз ету, сондай-ақ мектепте жағымды әлеуметтік орта қалыптастыру. Профилактикалық жұмыстар арқылы жастардың құқық бұзушылыққа жол бермеуіне ықпал ету — баршамыздың ортақ міндетіміз.
Сондықтан да осындай іс-шаралар жүйелі түрде өткізілсе, кәмелетке толмағандар арасындағы құқық бұзушылықтардың санының төмендеуіне және еліміздің болашағын қалыптастырар жастардың құқықтық мәдениетінің артуына оң әсер етеді.
Шымкент қаласының білім басқармасы жасөспірімдер арасындағы құқық бұзушылықтың алдын алу және оқушылардың құқықтық сауаттылығын арттыру бағытындағы жұмыстарды білім беру ұйымдарымен бірлесе отырып тұрақты түрде жүргізуде. Заңды білу – әркімнің міндеті, ал оны сақтау – ортақ жауапкершілік.
- Соңғы
- Қараша, 12
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
13 қараша 2026
