Қазақстандықтардың көбі қай салада жұмыс істеп жатыр
Елде 2026 жылдың үшінші тоқсанының қорытындысы бойынша жұмыссыздық деңгейі 4,5%-ды құрады. Мұндай деректі Ұлттық статистика бюросы келтірді, деп хабарлайды Kursiv.Мedia.
Ведомствоның мәліметінше, елдегі жұмыс күшінің саны 9 млн 849 мың адамға жетті. Оның ішінде 9 млн 403,4 мың адам экономиканың түрлі салаларында жұмыспен қамтылған.
Жұмыс істейтін қазақстандықтардың көбісі – жалдамалы қызметкерлер. Олардың саны 7 млн 247,7 мың адамды немесе жұмыспен қамтылғандардың жалпы санының 77,1%-ын құрады. Тағы 2 млн 155,7 мың адам (22,9%) өзін-өзі жұмыспен қамтығандар санатына жатады. 15 жастан асқан халық арасындағы жұмыспен қамту деңгейі 64,3% болды.
2026 жылдың сәйкес кезеңімен салыстырғанда экономикада жұмыспен қамтылғандар саны 73,3 мың адамға артты. Негізгі өсімді жалдамалы жұмыскерлер қамтамасыз етті.
Жұмыспен қамтылған халықтың ең көп бөлігі сауда (16,8%) және білім беру (13,3%) салаларында еңбек етеді. Сондай-ақ өнеркәсіп секторына – 12,6%, ал ауыл шаруашылығына 10,5% үлес тиесілі.
Статистикаға сәйкес, 15 пен 34 жас аралығында жас қазақстандықтар арасындағы жұмыссыздық деңгейі 2,9%-ды құрады. Сонымен қатар NEET санатындағы жастардың, яғни жұмыс істемейтін, оқымайтын және кәсіптік даярлықтан өтпейтін азаматтардың үлесі 5,6%-ға жетті.
2026 жылғы қыркүйектің соңындағы жағдай бойынша Қазақстан Еңбек және халықты әлеуметтік қорғау министрлігінің жұмыспен қамту органдарында 346,9 мың жұмыссыз ресми тіркелген. Олардың үлесі жалпы жұмыс күшінің 3,5%-ын құрады.
- Соңғы
Күнделікті жаңалықтар
12 қараша 2026
