Су есептегіштерді орнату тәртібі өзгерді: ескілерін ауыстыру керек пе
9 қарашадан бастап Қазақстанда су есептегіштерді орнату талаптары жаңарды. Енді жаңадан орнатылатын және істен шыққан құрылғылардың орнына қашықтан дерек жіберетін есептегіштер қойылуы керек. Осыған байланысты тұрғындарда бұрыннан қолданыстағы есептегіштерді де ауыстыру қажет пе деген сұрақ туындады. Өнеркәсіп және құрылыс министрлігі жаңа талаптарға қатысты түсініктеме берді. Бұл туралы Kursiv.Media Krisha.kz-ке сілтеме жасап хабарлайды.
Өнеркәсіп және құрылыс министрлігінің түсіндіруінше, жұмыс істеп тұрған су есептегіштерін жаңасына ауыстыру міндетті емес. Олар жарамды болса және белгіленген мерзімде тексеруден өтіп тұрса, әрі қарай пайдалануға болады. Әдетте мұндай тексеру төрт-бес жыл сайын жүргізіледі.
Есептегіш істен шықса, тозса немесе тексеру нәтижесінде пайдалануға жарамсыз деп танылса ғана оны ауыстыру қажет.
Яғни жаңа талап күшіне енгені үшін ғана қолданыстағы есептегішті жаңасына алмастырудың қажеті жоқ.
Жаңа үлгідегі есептегішті үш жағдайда орнату қажет:
Бұл талап пәтерлерге, жеке тұрғын үйлерге және заңды тұлғаларға да қатысты.
Құрылғының жұмысына, техникалық қызмет көрсетуіне, жөнделуіне, тексеруден өтуіне және көрсеткіштерінің берілуіне жауапты тарап есептегіштің кімнің меншігінде екеніне байланысты анықталады.
Жаңа талаптар елдімекендердің орталықтандырылған су жүйесіне қосылмаған су құбыры желілеріне және табиғи су айдындарынан алынатын суды бастапқы есепке алу жүйелеріне қолданылмайды.
Пәтердегі су есептегішін ауыстыру шығынын оның меншік иесі өтейді. Орнатушы компаниялардың бағасына жүргізілген шолу бойынша, бір есептегішті алғаш орнату орта есеппен 17 мың теңге, ал ескісін жаңасына ауыстыру шамамен 12 мың теңге тұрады. Егер екіден көп есептегіш орнатылса, қызмет құны арзандауы мүмкін.
Тағы да оқыңыз: 2028 жылға дейін Қазақстанда 3,6 млн «ақылды» су есептеу жүйесі орнатылады
- Соңғы
Күнделікті жаңалықтар
12 қараша 2026
