Жағдай күрделеніп кетпесе, төтенше жағдай режимі 11 мамырда аяқталады – Тоқаев

05.05.2020, 02:12 aikyn.kz

Мемлекет басшысы Қасым-Жомарт Тоқаев бүгін Парламент Сенатының отырысына қатысып, коронавирус панедемиясына байланысты еліміздегі қазіргі ахуалға қатысты өз ойын айтты. «Қабылданған шаралар өз нәтижесін бере бастағанын көріп отырмыз. Жағдай күрделеніп кетпесе, төтенше жағдай режимі он бірінші мамырда аяқталады. Бірақ карантин режиміне байланысты іс-шаралар жалғаса береді. Бұл ел тұрғындарының қауіпсіздігі үшін аса қажет. Азаматтарымыз бірте-бірте қалыпты өмірге қайта оралады деп сенемін», – деді Қазақстан Президенті.